Ngjarja e Komunitetit Tonë

Misioni

Misioni i Shoqatës Atdhetare Malësia e Madhe është të forcojë komunitetin shqiptar në Shtetet e Bashkuara përmes programeve kulturore, arsimore dhe humanitare, duke mbrojtur dhe promovuar patriotizmin e Malësisë, atë ndjenjë të thellë krenarie kombëtare që ka ruajtur identitetin shqiptar për shekuj. Ky shpirt i pathyeshëm ka mbajtur gjallë gjuhën, zakonet dhe identitetin tonë kombëtar brez pas brezi. Ne punojmë për të trashëguar vlerat, traditat, gjuhën dhe historinë e Malësisë së Madhe, duke mbështetur si diasporën në SHBA, ashtu edhe bashkëkombasit tanë në trojet tona etnike, e veçanërisht familjet në vështirësi dhe personat me aftësi të kufizuara.

Vizioni

Vizioni ynë është të ndërtojmë një komunitet shqiptar të bashkuar, aktiv dhe të fuqizuar në diasporë, ku çdo familje shqiptare në SHBA të jetë një vatër e gjallë e kulturës sonë një ambasadë shpirtërore që ruan lidhjen e ngushtë me Malësinë, Shqipërinë dhe trojet tona amtare. Ne synojmë të krijojmë një rrjet të fortë komunitar që u jep mundësi brezave të sotëm dhe atyre që vijnë të lulëzojnë, të kontribuojnë dhe të kenë ndikim të qëndrueshëm në ruajtjen e identitetit, gjuhës dhe traditave tona shekullore. Fryma e Malësisë me nder, besë dhe qëndresë do të jetë gjithmonë busulla jonë për të frymëzuar rininë shqiptare në diasporë. Duke nderuar me respekt të gjithë patriotët dhe heronjtë e Malësisë që me sakrificën e tyre mbajtën gjallë gjuhën, kulturën dhe identitetin shqiptar, ne punojmë për të forcuar bashkëpunimin ndërmjet vendlindjes dhe diasporës, duke promovuar rolin thelbësor të komunitetit tonë në zhvillimin kulturor, shoqëror dhe kombëtar.

Eventet

Kë Ndihmojmë

Në trojet tona të Malësisë së Madhe, shumë familje përballen ende me kushte të vështira ekonomike, mungesë të mjeteve bazë dhe sfida të përditshme që prekin jetën e tyre, veçanërisht arsimin dhe shëndetësinë. Megjithatë, pavarësisht sfidave, njerëzit tanë nuk e humbasin kurrë shpresën. Familjet dhe fëmijët tanë të mrekullueshëm ndërtojnë të ardhmen e tyre çdo ditë për një jetë më të mirë dhe me një Shqipëri të bashkuar.

Shoqata Atdhetare Malësia e Madhe është pranë tyre duke ofruar ndihma humanitare, pajisje mjekësore, mbështetje arsimore dhe ushqimore, në mënyrë që çdo familje, fëmijë dhe i moshuar të mund të jetojnë me dinjitet dhe shpresë.

Ata që ndihmojmë janë zemra e Malësisë sonë njerëz të fortë, punëtorë dhe krenarë që, me pak ndihmë, arrijnë të ndryshojnë të ardhmen e tyre. Çdo donacion, sado i vogël, është një hap përpara drejt uljes së varfërisë dhe krijimit të mundësive të reja për brezat që do të vijnë.

Antarsimi

Deshironi të bëheni pjesë e SHAMM? Kliko këtu për të plotësuar aplikacionin. Ne gjithmonë kërkojmë anëtarë të rinj për të na ndihmuar të ecim edhe më përpara!

Donatorët

Kliko këtu për të parë listën e donatorëve të Shoqatës Atdhetare Malësia e Madhe

Ndikimi Ynë

Çdo ndihmë ka rëndësi. Falë mbështetjes suaj, qindra familje në Malësinë e Madhe dhe në komunitetet shqiptare në SHBA kanë një jetë më të mirë. Ndihmat tuaja monetare po sigurojnë ushqim, strehim, pajisje mjekësore dhe shpresë për ata që kanë më shumë nevoje. Së bashku po ndërtojmë një Malësi dhe një komunitet shqiptar më të fortë, më të bashkuar dhe më të lidhur.

Synimet E Shoqatës

Ne besojmë në fuqinë e veprimit kolektiv dhe bashkëpunimit. Duke punuar ngushtë me individë, organizata dhe institucione brenda dhe jashtë trojeve Shqiptare, ne synojmë të forcojmë zërin tonë dhe të sjellim ndryshim pozitiv në çështjet që kanë rëndësi për komunitetin tonë dhe për Atdheun.

Bashkohuni me ne në misionin për të ndërtuar një komunitet shqiptar më të fortë, më të bashkuar dhe më aktiv në Shtetet e Bashkuara. Së bashku, mund të krijojmë një të ardhme më të ndritur për brezat që do të vijnë.